أعرف انت مصور شاطر و لا لأ
لو عايز تعرف انت مصور شاطر و لا لأ جاوب علي الأسئله دي ب "نعم او لا" و اكتشف مستواك في اخر الاختبار 😁
١ - بتاخد الكاميرا معاك في اي مكان تروحه؟
٢ - بتستعمل اكتر من كارت ميموري واحد؟
٣ - بتعمل نسخه أحتياطيه من صورك؟
٤ - بتفحص المعدات بتاعتك بعد كل تصوير؟
٥ - مش بتهتم بأنك بتتفرج علي الصور اللي صورتها في الشاشه و انت بتصور في ايفنت؟
٦ - بتجرب زوايا مختلفه في التصوير؟
٧ - بتجرب أفكار جديده في التصوير؟
٨ - بتهتم بالخلفيه في صورك؟
٩ - بتطبق قاعدة الأثلاث في صورك؟
١٠ - بتصور في الاضاءات المختلفه؟
١١ - قرأت الدليل بتاع الكاميرا؟
١٢ - مش بتعتمد علي مرحله الايديت علشان تضبط صورك؟
١٤ - بتصور Raw؟
١٥ - بتختار صور معينه تنزلها علي صفحتك؟
١٦ - بتسمع لنقد مصورين غيرك علي صورك؟
١٧ - عارف قواعد تكوين الصوره؟
١٨ - بتصور بالوضع الأفقي و الرأسي؟
١٩ - بتصور مانيوال؟
٢٠ - بتقرأ كتب عن التصوير و بتطور من مهاراتك؟
* أدي لنفسك درجتين عن كل أجابه ب نعم و درجه واحده عن كل اجابه ب لا
- من ٢٠ الي ٢٥ درجه "أنت مصور مبتدئ و محتاج تعرف أكتر عن التصوير - ايه رأيك تاخد معانا كورس"
- من ٢٦ الي ٣٠ درجه "بدايه كويسه بس هتحتاج تدرس اكتر عن التصوير علشان تطور من مستواك"
- من ٣١ الي ٣٥ درجه "مستواك كويس في التصوير محتاج بس تطور من مهراتك في التصوير و تقرأ اكتر"
- من ٣٦ الي ٤٠ درجه "انت مصور شاطر - بس دا ميمنعش انك تستمر في تطوير و تنمية مهاراتك"
35
ردحذفبس في اساله بتاعت "مش" دي محتاجه تتغير صيغيتها علشان السؤال يبقي اوضح
شكرا علي التعليق و اكيد هنحاول نغيره :)
حذفهو لو في كتب باللغة العربية تقدر تفيدنا اكتر في مجال تعليم التصوير هنكون شاكرين مجهدكم
ردحذففي كتب لسكوت كيلبي باللغه العربيه مفيده جدا
حذفكمان في كتاب لأنواع التصوير ل CPC هتلاقيه علي البلوج هنا بردو :)
٣٠
ردحذفبرافو :D
حذفاذا سمحتو ممكن تنزلو معلومات ازاي اقدر افرق بين كاميرات
ردحذفاي نعم كل كاميرات بتصور كويس بس اية الافادة بين كاميرة دي وكاميرة غيرها وياريت نعرف الاسباب واية الاختلاف بين كب كاميره شكرا ليكم متابع جيد ✋
اكيد الموضوع مهم
حذففي موقع ممكن تستخدمه في المقارنه بين الكاميرات
www.snapsort.com
و لو محتاج مساعده في اختيار الكاميرا ممكن تبعتلنا علي الفيسبوك و احنا هنساعدك :)
https://www.facebook.com/Cphotographyclub/
36
ردحذف32 :D
ردحذف28سنه لو محتاج دورة صغيره عن الكميره الى موجوده معاية
ردحذفليه مافيش مواضيع عن تصوير الفيديو
ردحذف