High Speed Photography
ال High Shutter Speed بتستخدمه في حالة انك عايز تصور موضوع سريع او تثبت الحركه بتاعته
و في نقط مهمه لازم تعملها و انت بتصور النوع دا من التصوير
١ - سرعة الشاتر:
حسب طبعا الموضوع اللي انت بتصوره هتختار سرعه الشاتر المناسبه و كل ما كان الموضوع سريع كل ما هتحتاج تستخدم سرعه شاتر سريعه علشان تقدر تلقط اللحظه المناسبه و تثبتها
جرب مثلا 1/640 - 1/1000 و دا طبعا تغيره حسب الموضوع بتاعك
٢ - الايزو:
علشان هتستخدم سرعه شاتر عاليه ممكن تحتاج تعلي الايزو علشان يطلع تعريض الصوره مضبوط
بس خلي بالك ان مع استخدامك للايزو العالي ممكن دا يطلع نويز في الصوره
و دا ممكن يحصل بدايه من ايزو ٨٠٠ فحاول يكون الايزو بتاعك اقل لو دا ممكن
٣ - فتحه العدسة:
استخدم فتحه عدسه واسعه علشان تسمح للضوء انه يدخل للسينسور و كمان علشان انت بتستخدم سرعه شاتر عاليه
و خلي بالك طبعا من عمق الميدان علشان ميطلعش الموضوع بتاعك بره نطاق التركيز
جرب مثلا f/5.6 - f/8
* ثبت الكاميرا علي ترايبود
* صور بال Continuous mode
و دي شويه أفكار ممكن تطبقوها علي ال High Speed Photography
ليست هناك تعليقات:
إرسال تعليق