ال prime lens او العدسات الثابته هى العدسات اللى بتتميز ببعد بؤرى ثابت مش متغير
النوع دا من العدسات بيتميز بجوده تصوير عاليه ودا بسبب ان مفيش العدسات الداخليه الكتير اللى بتسبب الزووم
و هنا لازم تخلى بالك ان كل ما الضوء بيعدى على مراحل كتير(عدسات كتير) كل ما بتقل جودته
و دى حاجه بتخلى كتير من المصورين يفضلوا العدسات الثابته
تانى نوع من العدسات هى العدسات الزووم وهى العدسات اللى بتتمتع ببعد بؤرى متغير
النوع دا من العدسات من اكتر مميزته المرونه اللى بيستمتع بيها المصور فى التصوير من خلال تغير البعد البؤرى
وهنا هتلاقى الميزه دى مهمه جدا فى انواع تصوير كتير
الشركات المصنعه للنوع دا من العدسات بيحتاجوا انهم يعلوا جدا جوده الزجاج بتاع العدسات الداخليه علشان يعلوا جوده الاضاءه اللى بتقل بكتر العدسات الداخليه وهنا هييجى سبب ان النوع دا من العدسات بيبقى غالى جدا...
ليست هناك تعليقات:
إرسال تعليق