ال Composition rules من اهم الحاجات اللى لازم تبقى ملم بيها كمصور فوتوغرافى
و بمعرفتك لقواعد التكوين هتقدر توصل هدفك من الصوره بطريقه احترافيه
فى اكتر من قاعده وكلهم بيعتمدوا على جذب العين واتجاه النظر
1- قاعدة الاثلاث
دي بتعتمد فيها على تقسيم الصوره لثلاث اجزاء راسى وافقى و فى تقاطع كل خط بالتانى دى بتعتبر نقطه جذب للعين و بيتوجهلها النظر
2- قاعده الخطوط
بتعتمد على حركه واتجاه الخطوط اللى بتحكم عليها بعينك كمصور الاول وعلى اساسه بتقرر ايه زاويه التصوير
دا غير ان الخطوط بتساعد على ظبط استقامه الصوره وان كل عنصر يبقى في مكان وبدون ميل غير مرغوب بيه
3- التباين او ال contrast
بيفرق جدا فى تكوين الصوره وممكن تحققه بفرق الالوان اوانك تخلى الصوره ابيض واسود
الفكره فيه ان يكون فى تركيز على اختلاف شديد فى عناصر الصوره و يساعد على وضوح فكرتها والهدف منها
4- ال Pattern او الانماط
بيكون من خلال تكرار عنصر فى الصوره او اكتر من عنصر بطريقه تلفت النظر وتكون فكره مختلفه عن الاشياء المتكرره بالصوره
بتحاول هنا كمصور انك تملى الكدر بالتكرارات دى والنتيجه بتكون صوره فنيه مميزة
4- قاعده الارقام الفرديه
من القواعد اللى بيطبقها بعض المصوريين هى انه يصور العناصر بارقام فرديه ثلاثه عربيات بدل من اربعه او تسع كراسى و هكذا وبيكون على حسب الهدف من الصوره والامكانيه بزياده او نقصان العدد
#CPC #I_Learn
ليست هناك تعليقات:
إرسال تعليق