٢٢ خطوه لازم تعملها قبل ما تشتري كاميرا مستعمله

٢٢ خطوه لازم تعملها قبل ما تشتري كاميرا مستعمله 
في كتير مننا بيشتري كاميرات مستعمله .. و لازم قبل ما تشتري الكاميرا تكون متأكد من انها سليمه 100% .. و نصيحتنا ليك انك تطبع قائمه بالخطوات دي و تخليها معاك قبل ما تشتري اي كاميرا مستعمله ...

١ - اول خطوه تعملها قبل ما تشغل الكاميرا هو انك تتأكد من البطاريه نفسها اذا كانت سليمه ولا فيها تآكل 
٢ - استخدم كارت الميموري بتاعك و اتأكد انه شغال علي الكاميرا
٣ - اتأكد من كل المخارج اللي في الكاميرا اذا كان فيها اجزاء معدنيه متنيه او في اتربه جواها
٤ - شوف لو في خدوش في مكان تركيب العدسه و اتأكد ان المرايه سليمه و مش عليها اتربه او علامات مياه
٥ - لو معاك عدسه خاصه بيك ركبها علي الكاميرا و اتأكد انها شغاله
٦ - صوت الشاتر سليم و لا لأ و عدد شاتر الكاميرا كام؟
٧ - استخدم التصوير المتسلسل و لو الشاتر مش سليم هتسمع تأخير في التصوير
٨ - غير فتحه العدسه و سرعه الشاتر و شوفها بتأثر في التعريض ولا لأ؟
٩ - جرب تغير اوضاع التصوير Modes و تتأكد انهم شغالين كويس
١٠ - هل شاشه الكاميرا شغاله؟
١١ - جرب تصور باستخدام ال live view و صور فيديو و اتأكد انهم شغالين
١٢ - جرب كل زراير الكاميرا و اتأكد انهم شغالين
١٣ - جرب ال hotshoe علشان ممكن يكون محروق و مش شغال
١٤ - جرب الفلاش المدمج popup flash شغال كويس و لا لأ
١٥ - الفيو فايندر نظيف؟
١٦ - جرب استخدام الspot metering و هل المشهد بيتغير فعلا
١٧ - صور صوره سوده under-exposure و صوره تانيه بيضاء over exposure و شوفهم علي شاشه الكاميرا هل في pixles محروقه في الشاشه او السينسور
١٨ - صور باستخدام نقط فوكس مختلفه و شوف الصور علي شاشه الكاميرا و اتأكد ان الفوكس مضبوط و حاول تستخدم العدسه بتاعتك لو امكن
١٩ - حرك ال diopter control و اتأكد انه شغال و صور صوره باستخدام المانيوال فوكس و اتأكد ان نقطه الفوكس مضبوطه
٢٠ - هل اكسسوارات الكاميرا كلها موجوده و لا ناقصه؟
٢١ - اتأكد من ان شاحن الكاميرا شغال
٢٢ - اتأكد من ان الفاتوره موجوده
ممكن تكون دي خطوات كتير لكن لازم تعملها علشان تجنب نفسك الوقوع في مشكله انك تشتري كاميرا فيها عيوب