اربع حاجات تخليك تطلع البشره بلونها الطبيعى فى تصوير البورتريه

اربع حاجات تخليك تطلع البشره بلونها الطبيعى فى تصوير البورتريه؟
1) اول طريقه علشان تطلع لون البشره طبيعى هى انك تصور RAW ، و هى بتعتبر احسن طريقه علشان تطلع البشره بلونها الطبيعى و دا بيرجع لسبب كميه المعلومات الخاصه بالموضوع الكبيره اللى بتجمعها فى الصوره...
2) الExposure، فى الغالب علشان تطلع لون البشره الطبيعى لازم تصور بتعريض اعلى درجه او اتنين و دا بيخلى الالوان فى الصوره تطلع ناعمه و واضحه، بس هنا خلى بالك انك متزودش التعريض علشان متواجهش مشكله انك تلاقى مناطق فى الصوره over exposure او ملسوعه...
3) من الحاجات اللى بتظهر اى مواضيع بالوانها الحقيقيه هى الWhite balance، و دا بقى من مميزات انك تصور RAW و بيبقى عن طريقه بتعرف تظبط توازن اللون الابيض و تظهر الالوان الطبيعيه...
4) نيجى لنقطه مهمه وهى ال right light for right color ، من اهم الحاجات اللى بتأثر على لون البشره هى نوع الاضاءه اللى بتستخدمها فى التصوير، حاول تتجنب الاضاءه الحاده و المباشره علشان مبتظهرش الالوان الطبيعيه و بتخلق مناطق ظل كبيره ، مثال لكده لما تيجى تصور فى اضاءه الشمس، علشان تطلع نتائج مظبوطه لازم تختار الوقت المناسب اللى الضوء بيبقى فيه ناعم ومش عمودى بكده مش هتظهر مناطق الظل القويه وهتطلع الصور بشكل طبيعى ...