مميزات العدسات السريعة:

تفتكر ايه اللى بيميز العدسات السريعه؟

- طيب ليه اسمها عدسات سريعه؟
العدسات السريعه هى العدسات اللى بتتميز بفتحه عدسه واسعه جدا، و دا طبعا بيأثر على كذا حاجه:
* بيخليك تستخدم سرعه شاتر عاليه
* بيخليك تصور فى اضاءه قليله بفاعليه كبيره
* بتتميز بنظام فوكس رائع
* جوده الصور العاليه اللى بيرجع لجوده الضوء اللى بيدخل الكاميرا...

- مميزات العدسات السريعه؟
جودتها فى تصوير البورتريه، و دا علشان جوده الضوء اللى بتدخله للسينسور وكمان العزل القوى اللى بيخلى كل التركيز على الشخص اللى بتصوره..

- الاكسسوارات اللي ممكن تستخدمها مع العدسات السريعه؟
1) الextension tupe و كمان الteleconverter ، انت عارف طبعا ان الضوء بيقل كل ما يعدى على عدسات كتير، بس هنا العدسات السريعه هتخليك تستخدم الحجات دى و هتطلع نتايج كويسه جدا و دا علشان فتحه عدستها الواسعه ...
2) العدسات السريعه بتتعرض اكتر للflare و لو وظفته صح فى صورك هتطلع بنتايج مميزه جدا بالذات فى صور البورتريه...
3) مع الفتحات الواسعه لازم يبقى عندك تحكم قوى فى تحديد مكان الفوكس و دا لسبب عمق الميدان الصغير اللى بتقدمه العدسات دى، كمان لازم تختار الوضع المناسب للفوكس علشان تستفاد اكبر استفاده فى كل صوره...