ايه هو الظل فى التصوير و ايه تأثيره؟

ايه هو الظل فى التصوير و ايه تأثيره؟
الظل فى اى صوره بيبقى الاماكن اللى موصلش ليها ضوء، قوته بتختلف حسب نوع الاضاءه، يعنى لو كنت بتستخدم اضاءه حاده فى الصوره دا هيخلي في مناطق ظل قويه، و كل ما زادت حده الضوء بيزيد قوه الظل،،، اما الاضاءه الناعمه بتخلي في مناطق ظل خفيفه جدا ،،،
مناطق الظل فى اى صوره مبتقلش اهميه عن مناطق النور علشان هى بتخلق جو معين فى اى صوره، حسب زاويه الاضاءه و كمان نوعها، هنا انا بتحكم فى الموضوع دا حسب التأثير اللى عايز اوصله لاى حد هيشوف الصوره...
يعنى مثلا الإضاءة من زاوية منخفضة Low Angle بتدى شعور بالشر؛ و الإضاءه الجانبية بتوصل شعورا بالقوة؛ أما بقى الإضاءه الأماميه فبتدى شعورا بالجمال و دى بتبقى اماكن الظل فى الموضوع قليله جدا و ممكن ميكونش فى ظل تماما، و بتدى الإضاءه الخلفيه احساس بالسحر و الإبهار....
مهاره اى مصور بتبقى فى انه يخلى مناطق الظل فى الصوره عنصر ايجابى وتخدم الفكره اللى عايز يوصلها، ودا بيبقى عن طريق زوايا الاضاءه وكمان نوعها زى ماقولنا فى الاول...