نصايح ليك كمصور علشان تخطط صح

نصايح ليك كمصور علشان تخطط صح:
علشان توصل لمرحله انك تبقى محترف ومميز فى التصوير لازم تهتم بتفاصيل بسيطه اوى بس فى النهايه هتفرق معاك جدا:
• خليك دايما متأكد ان الوقت والتاريخ فى الكاميرا مظبوطين، علشان تنظم شغلك...
• فى اوقات كتير احسن انك تقفل صوات الكاميرا beeps off ، ودا بالذات فى التصوير الداخلى...
• اكيد طبعا انت عارف الفرق بين الRAW والjpeg ، كلنا عارفين ان جوده الRAW اكتر بكتير من الjpeg ، بس انت فى تصويرك لازم تحدد ايه اللى انت محتاجه ، يعنى مش فى كل الاوقات هتحتاج تصور RAW ودا هيوفر مساحه فى الكارت بتاعك وكمان هتختصر وقت تخزين الصور و التعديل ...
• لو عندك تصوير خارجى فى النهار، اختار الوقت المناسب للتصوير اللى الاضاءه تبقى فيه ناعمه ومش عموديهgolden hour ...
• اظبط زرار الfn اللى فى الكاميرا لاكتر حاجه محتاجه سرعه فى تعديلها اثناء تصويرك زى ال iso ...
• خلى دايما معاك بطاريات اضافيه مشحونه...
• اختار دايما كروت ذاكره جودتها عاليه ، كمان اهتم انك تعمل format لكروت الذاكره قبل اى شغل...
• حاول دايما انك قبل اى تصوير انك تلبس الهدوم المناسبه للمكان اللى هتصور فيه بس تكون فى نفس الوقت تكون مريحه و متكونش تقييد ليك وانت بتصور...
• خد دايما المعدات اللى انت محتاجها بس قبل اى تصوير ...