Tilt-Shift Photography
علشان تصور النوع دا من التصوير مش لازم يكون عندك عدسه Tilt-Shift
انت ممكن تنفذ نفس التأثير من الفوتوشوب بطريقه بسيطه .. شوفوا الخطوات
١ - اختيار الصوره
لما تختار صوره تشتغل عليها لازم تكون صوره متصوره من فوق علشان التأثير دا يبان عليها و ممكن تختار صور فيها مباني او طرق او قطارات علشان دي اكتر صور بيبان فيها التأثير دا و بتطلع نتيجه ممتازه
٢ - هتختار ال Quick Mask Mode
هتفتح الصوره علي الفوتوشوب و تدخل في ال Quick Mask Mode
٣ - هتختار ال Gradient Tool
و اختار ال Reflected Gradient Option
٤ - هترسم خط
هترسم خط طولي البدايه بتاعته هتبقي نص المنطقه اللي عليها الفوكس و نهايته هتبقي المكان اللي هيبقي اوت اوف فوكس
٥ - هتشوف ال Mask Area
هتتأكد من ال Mask Area المكان في نص الماسك هيكون المكان اللي ان فوكس و هيبدأ يقل الفوكس علي الأطراف في الصوره .. و لسه تأثير الأوت اوف فوكس هيتعمل
٦ - هترجع لل Standard Mode
هتخرج بره ال Quick Mask و ترجع لل Standard Mode و هتلاقي المكان اللي حددت عليه الماسك بقي عليه خط منقط
٧ - افتح ال Lens Blur
هتدخل قائمة Filter و تختار Blur و بعدها Lens Blur
٨ - هتشوف تأثير ال Effect بتاعك
هتشوف دلوقتي تأثير ال Effect بتاعك لو التأثير مش مناسب ارجع للخطوه ٤ تاني و عدل في الخط بتاعك علشان تختار مكان تاني للفوكس
٩ - لو النتيجه عجباك هتدوس Ok من قائمة ال Lens Blur علشان تطبق التأثير علي الصوره
١٠ - هتعمل Remove Selection علشان تشيل الخطوط اللي في الصوره
١١ - هتختار ال Hue/Saturation Adjustment علشان لو محتاج تعمل تعديلات في الالوان او تزود التأثير علشان لما بتزود ال Saturation تأثير ال Miniature بيبان
هتختار Image و بعدين Adjustments و بعدها Hue/Saturation
١٢ - هنا مثلا ال Saturation هنزوده ل +٤٠
١٣ - هنختار بعد كده ال Curves علشان نعدل شويه في ال Contrast بتاع الصوره
هنختار Image و بعدين Adjustments و بعدها Curves
١٤ - هنعدل في ال Curves علشان نزود ال Contrast و متزودش كتير في الخطوه دي علشان متأثرش بالسلب علي الصوره
١٥ - و دي الصوره النهائيه
دي كمان مجموعه من الصور اللي تقدروا تطبقوا زيها
